杜汶澤又有新搞作，佢斥資七位數字搞嘅網台《杜汶澤喱騷》，今晚10點首播，阿澤噚日孖23歲、32C新女貝依霖接受《蘋果》專訪，C奶貝依霖拋胸騷事業線。

貝依霖目標想拍戲，阿澤覺得佢啱拍鬼片：「啲鬼追住佢，佢跳嚟跳去。仲着咩衫，套戲可以叫《祼鬼》，拍鬼X人，我一路想拍呢類戲，我以前睇鹹片，主角遮住女主角，我其實想睇女主角。如畀鬼姦緊，就算着晒衫，使乜隻鬼，但要話隻鬼姦緊你，隱形對手，手揑你個胸凹咗，揭起你條裙。搵到隻鬼就開，本土戲唔使過大陸。」阿澤意願自己扮隻鬼，佢話：「可能係我，我死咗變隻鬼，我拍開頭一場，之後唔使我埋位。」

貝依霖話：「做到你死咗都一路想同我做， 一開始想做冇得做，變咗隻鬼。」佢哋商量套戲叫《鬼deal人》，阿澤話：「寫邊再用X，用deal啦，so we make a deal。」阿澤有意開鬼片系列，貝依霖搶答話：「一路開《 鬼X人之鬼X我》。」

阿澤開網台，節目多元化，佢仲有意為年底結婚嘅江若琳搞wedding planner真人騷，佢話手頭上拍咗以性話題節目，拍檔除有愛將貝依霖，仲有好友盧覓雪同性治療師何慕詩，阿澤自爆早前曾親自求診：「我乜都答，拋磚引肉，點都要咁，到時我會聽聽眾電話，自己嘢唔同人分享，點會有人同你講真嘢，我係事無不可對人言。佢（何慕詩）話無論你幾變態，只要唔影響到人，無付諸實行就係冇事，只係幻想吓！我自己性生活上係好多問題，每人都有好多癖好。」阿澤話問診時冇尷尬：「最終係幫到我。」

阿澤搞網台，佢話自己負責幕前部份，另有拍擋負責搵資金，佢話：「 我唔識搵錢。」成日要搞笑會唔會攰爆，阿澤話：「搞笑唔攰，搞女就攰。」

化妝：Anita Lo

精選娛聞，喺晒《娛果》
http://fb.com/appledailyent