兩眼紅腫的林女士向到訪記者訴說：「阿劉一向身體健康，連傷風感冒都好少。近排佢經常覺得心口對落唔舒服，諗住係胃病，每次覺得唔舒服就食胃藥；點知醫生話原來阿劉係個肝有事，重係肝癌！」
肝癌兼患腎衰竭
林女士的丈夫劉先生，早前證實患肝癌，病情急轉直下，日前入院經搶救四天後不治。林女士強忍着淚說：「救護車送阿劉入院第一晚，醫生發現阿劉肝臟嘅腫瘤穿咗，要插管落藥止血；過咗幾日，阿劉就捱唔住，死因係肝癌同腎衰竭。」
三十多歲的林女士歎謂，最令她傷心的是，丈夫臨終時連一句遺言也沒有。「由我知道阿劉患癌到佢過身嗰日，只得好短日子，我真係好難接受呢個殘酷事實。阿劉臨死前，囝囝叫咗『爸爸、爸爸』好多聲，可惜阿劉完全出唔到聲回答。」
林女士續稱：「呢兩晚我同囝囝都失眠，囝囝重同我講：『好掛住爸爸呀』。」林女士稱，阿劉父子感情甚佳，父慈子孝，兒子雖然只得十歲，已經非常懂事，「囝囝知道佢爸爸好顧家、好努力賺錢維持個家，自己就努力讀書，好生性。」