在尖沙嘴彌敦道及麼地道交界美麗都大廈地庫經營酒吧的陳先生，對於九鐵公司、地盤承建商及其公證行處理事件的手法，仍然憤憤不平。「六月二十五日我返酒吧時真係嚇咗一跳，成間舖被水浸咗成兩三吋高，出面麼地道九鐵尖沙嘴支線地盤嘅人通知我，佢哋朝早唔小心整爆條水管，搞到水浸，佢哋重即時搵人入我間舖睇，同用泵泵走啲積水。」
聲稱水管已棄置
陳先生說，水浸後，酒吧木地板鬆脫且可取出，需要全面維修，他亦依手續向九鐵及其承建商索償。久候三個月後，承建商委託之公證行回覆，他指為肇禍的水管實已棄置，不可能有水流出，故酒吧水浸與水管無關，如他要索償，需提供更多證據。
水署證實爆水喉
陳先生說，他對回覆極為不滿，「我搵咗水喉師傅睇過，酒吧入面啲喉管完全無問題，咁啲水唔喺佢地盤嚟，喺邊度嚟？而且如果唔係佢哋有問題，事發後就唔會派咁多人嚟我度睇同泵水啦，分明係推卸責任。」
他其後直接去信九鐵高層及本報投訴。本報跟進投訴，向水務署追查爆破喉管是否已棄置？水務署發言人林先生查覆本報稱，當日確曾發生水管爆破事件，水務署將損毀喉管截短後，便沒有再滲漏。但林先生澄清，發生破裂喉管並非被「棄置」，而是輸水管一個T字形水掣，將來若供水系統改變，可利用水掣兩端再駁喉管輸送食水，而這個水掣內亦是輸水管一部份，裏面注滿水。