牙痛慘過大病﹗受牙瘡炎困擾嘅黃日華，連日來牙痛至口齒不清，幸好今日佢同薛家燕、衛蘭、JW及吳若希等，出席跑馬地舉行健康活動時，已康復不少，黃日華話： 「醫生幫我開刀抽膿，已經冇咁痛，加上之前生日腸胃炎，成個月食得好清淡，人都瘦咗。」

明年五月約滿香港電視，續約與否就唔知，大家都留意發牌情況，而佢個女仲有兩年約，佢話：「我同佢講急唔來，好多人等十幾年先有機會，唔好短視，0依家學嘢裝備先。」

衛蘭同JW分別唱新歌，花咗成個月拍MV嘅JW，獲公司揼本請飄移車手助陣，佢又搵朋友借名車出鏡，問佢有冇問老闆黎明借車？佢話「我唔敢叫。」至於JW被影到夜蒲，佢話：「老闆叫我玩得醒目啲，佢都明我呢個歲數會約朋友，飲酒傾偈，如果朋友攬吓OK，唔係濫就得。」