患小兒麻痹症行動不便的阿美，與年過六旬雙目幾近失明的父親馮伯，近日獲房屋署恩恤分配公屋單位，將可搬離狹窄惡劣的唐樓房間，改善居住環境。奈何窮困兩父女無力應付搬遷的龐大支出，為此深感彷徨。蘋果日報慈善基金即時撥款，助飽受貧病交煎的阿美解決經濟困難。

記者日前登門家訪阿美的公屋單位。她向記者訴說﹕「醫生書面證明我行動不便，於是房署恩恤分配呢條邨嘅單位畀我。呢度勝在入邨唔使經斜坡同行樓梯，又近巴士站，出入好方便，但我靠枴杖助行，經常覺得腰骨痠痛，所以好容易攰。」

父女相繼失業
三十一歲的阿美，在孩提時因醫療失誤，不幸成為殘疾人士。「我喺鄉下出世，十一個月大因為發高燒被送入醫院留醫。點知護士將針藥打錯入神經線，令我患小兒麻痹症，最初完全唔行得，咁多年先後做過好多次腳部矯形手術，近幾年至可以用枴杖慢慢行路，可以自己定期去醫院睇骨科同做物理治療。」
阿美續稱，母親在她年幼時離家出走，從此音信全無，遺下她與父親馮伯相依為命。阿美中三畢業後曾先後從事文員及接待員，近年經濟不景，她無奈加入失業大軍；父親馮伯從事食品廠工人數十年，三年前因工廠關閉失業，其後一直難覓工作，被迫提早退休。
阿美歎道﹕「阿爸退休後精神愈嚟愈差，前排雙眼重患白內障，做咗手術冇乜改善，𠵱家兩隻眼幾乎完全睇唔到嘢！」
由於與父親相繼失業及飽受疾病折磨，阿美兩父女靠領綜援維持家計，生活捉襟見肘，只能租住屋租較便宜但環境欠佳的舊樓房間。「呢度要同其他幾戶住客輪流用廚房、廁所，又要共用業主嘅家庭電器。所以我真係好想盡快搬屋，可惜自己無能力，啲朋友又個個都手緊，難有錢借畀我。」除缺錢搬屋外，阿美亦無力添置基本家具及電器。