張敬軒昨晚在灣仔出席《香港亞洲流行音樂節2019》，為了增值自己，軒仔說：「我喺演唱會之前可以學吓跳舞，我已經搵咗個美國老師，學啲形體訓練，希望喺舞台上表演更好。」他還笑說：「我仲想進修吓個腦，因為而家轉數要好快，啲fans成日喺網上挑戰我嘅底線，會駁嘴、又會鬧我，所以有時我會block佢哋一兩日，困佢哋入一入黑房，當係罰吓佢哋！」

軒仔自爆有一名fans令他大開眼界：「我噚日開inbox嚟睇，真係大開眼界，有一個朋友send咗二百幾個message畀我，內容講到我哋好似一齊生活，佢應該幻想緊我唔知係佢第幾任嘅老公，我睇完呢啲信都覺得自己好似經歷緊啲夫妻生活，不過成為人哋嘅幻想對象，都好開心同榮幸。」問到有否收過露骨的禮物？他笑說：「最誇張係收過成人玩具，仲要親自拎畀我助手，話佢下個禮拜唔喺度，到時候我就可以用！」

軒仔還說：「其實得到歌迷支持係好係開心，但都要有限度，我最介意係佢哋送嘢嘅方法，好似試過收到一大盒頭髮，搞到我唔敢再自己一個人拆禮物，其實大家唔使送禮物，折現就最實際，又或者將啲錢捐去慈善團體，送張收據畀我！」另一方面，組合Nowhere Boys代表香港參加今次比賽，他們笑言：「我哋當今次係做騷，大家玩得好開心，出晒汗！」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

星期一至五晚上10點半
《動腦Q》Let's Q the money！
http://bit.ly/2QW8LcI