現任教宗以關心中國教會著稱,07年突破性地向中國教友發書信,並定期召開中國教會事務會議,兩年前委任本港神學家韓大輝為萬民福音部秘書長和總主教,同年初一與來自中港台三地的中國教會專家開會,更向主教派發百元歐元利是。
榮休主教陳日君樞機認為教宗樹立了好榜樣,「冇一個規矩要求佢退休,佢自己知道力量唔夠就主動退休,讓位畀一個後生有能力嘅人做,我非常支持佢,但當然係唔捨得啦」。陳日君表示,感謝教宗為中國教會付出,「佢做咗好多指示,希望下一任教宗可以尊重佢,佢訂下好清晰路線,肯定下一任教宗會繼續支持」。他不認同教宗受壓辭職的說法,「我絕對唔會好似世俗好多人咁嘅諗法,以為唔知佢受咗乜壓力,我覺得佢係一個完全唔會俾壓力影響嘅人嚟」。他又指去年8月曾與教宗見面,對方非常清醒。
對於教宗請辭,本港教會中人感震驚,教區副主教陳志明直言對消息感突然,但對教宗因應身體情況,考慮到對教會的好處請辭,可以諒解。天主教香港教區傳播處主任容若愚指,教宗本篤十六世任內處理過神職人員性侵兒童案,關顧受害人,在中國教會問題上「企得好硬」,是領袖典範。
《蘋果》記者