法國殿堂級女星嘉芙蓮丹露（Catherine Deneuve）日前與100位各界傑出女性發表聯署公開信，批評反性侵#Metoo運動已過火，認為有必要捍衞男士調情同求歡嘅權利。這番言論引來爭議，嘉芙蓮事後再以個人名義，發表公開信，對內容重新解讀，並為宣言可能冒犯性騷擾或性侵受害者而致歉。

嘉芙蓮指自己係女權主義者，但如今卻人人都能做出審判進行公審，佢又形容有份聯署嘅人宣言未必完全正確，但強調宣言係有力嘅。嘉芙蓮不點名批評有份聯署嘅主持人Brigitte Lahaie指「女性可以在強姦中獲得高潮」說法，佢指自己喜歡自由，卻唔認同現今社會嘅特徵，嘉芙蓮指現時每一個人都覺自己有權利去審判，如今社交媒體上嘅譴責就變成刑罰，讓人失去工作，佢稱：「我不為任何事情找籍口，我不會判定這些男人的罪責，因為我沒有這個資格，而我們當中亦只有很少人有這個資格。」

精選娛聞，喺晒《娛果》
http://fb.com/appledailyent