當年今日
關於我們

魚缸暴炒族:中煤反彈動力不足 - 方星俠

蘋果日報 2009/07/11 00:00


琥珀能源(090)昨日首日掛牌,表現威猛,一度高出招股價八成,收市報2.71元,仍較招股價1.66元高逾63%。點解咁勁?有人話琥珀是燃氣電廠營運商,業務受惠國策,亦具市場熱捧的環保概念,亦有人認為琥珀只係發行1億股新股上市,貨源唔多,入票抽唔到,或抽唔夠的投資者只好趁首日掛牌買番些少。
大市成交又見縮減,只得525億元,7月上旬已過,踏入下周港股走勢就會見真章,除非外圍突然爆利好消息,否則以目前形勢看,港股應有較深的調整。
內地媒體報道,山西焦炭6月指導價每噸上調60元人民幣,主要係供應緊張及周邊省區上調焦炭價格。業內人士更預期,若然煤價或鋼鐵價格大升,唔排除價格仲有得上調,循呢種語氣揣測,似乎係睇升居多。
不過,消息未令煤炭股受惠,表現最好僅得恒鼎實業(1393)而已,中煤能源(1898)昨日雖一度炒上8.72元,但未攻到50日線(8.895元)已無以為繼,更曾倒跌至8.40元,收市報8.47元,無升跌。表現已見轉弱,走勢亦受幾條主要平均線力壓,料將進一步向下,估計上月低位8.23元未必守得住,後市應有平貨買,可待跌至7.80元水平吸納作中線投資,獲利目標12元。
方星俠
empty