陳小姐慶幸自己力量不小，隨即捉住木棍與他拉扯，維持一分鐘，幸好有兩名年輕人及時來到，為她擋開該男子的木棍，若非及時捉住木棍，頭部隨時受傷。離開大堂上月台後，仍然未脫險，「我都算係比較早上到月台嘅人，跟住白衣人就打緊上嚟，我就喺上面掟嘢還擊」。她其後進入在車廂，躲到兩卡列車中間的位置，「啲男人喺出面擋，我就傳啲水樽同遮出去」。
她當晚曾向港鐵職員求助，亦叫男友到天水圍警署報案。當時車長不停叫乘客下車亦令她感不滿，事後多日她不停到元朗站投訴，「一去到車站就係咁鬧，問佢當日點解要咁對我哋」。
警方至今仍未有就7.21恐襲檢控任何人，陳小姐極度憤怒，「點可能會捉唔到人呀？」她的同行友人說：「我噚日先喺街度見到有份打人嗰個，警察點會拉唔到人？」陳小姐在7.21恐襲後，「每一次集會大大小小我都有去，元朗都有去，唔可以放過警察，畀佢日日大話」。
太古城站內近距離開槍事件亦令她十分生氣，故會堅持到底繼續走出來，「有冇用都出嚟，人少佢哋先蝦我哋，所以點都聲援」。
另一位集會人士阿俊則以畫畫方式記錄現場情況，他認為要為運動做記錄，故每次遊行集會都會出來畫畫，每次至少畫五至六幅，他對警察濫暴十分生氣，「特別嬲係喺新屋嶺，警察屈打成招，打到示威者內出血，濫用私刑」。
■記者鍾雅宜