韓國神劇《太陽的後裔》嘅男星宋仲基，近日正冒寒趕拍tvN新劇《阿斯達編年史》，而喺演藝圈人緣極好嘅佢，今日就獲男團2PM成員俊昊送上餐車為佢打氣，俊昊得知現時天氣寒冷，都送上熱辣辣小食畀宋仲基及《阿斯達編年史》嘅劇組工作人員，相當貼心。據悉宋仲基及俊昊喺2009年合作綜藝節目《出發夢之隊2》後成為老友，俊昊更曾經擔任宋仲基粉絲見面會嘅嘉賓。

另外，宋仲基嘅演員老婆宋慧喬近日亦正忙於拍tvN新劇《男朋友》，雖然《男朋友》喺本周停播，劇迷要等到下周先有得睇，但喬妹就久違地更新Instagram，上載束草嘅靚靚風景照同粉絲分享。

精選韓流，喺晒《娛果》
http://fb.com/appledailyent