當年今日
關於我們

【Babyblue賀壽】患焦慮症終面對 何國鉦感激有谷祖琳鼓勵

蘋果日報 2016/04/17 06:00

周汶錡羅霖谷祖琳焦慮症何國鉦美魔女蘋果即時思覺失調協會babyblue

本地時裝設計師何國鉦(Dorian)噚晚喺灣仔提早同朋友慶祝生日,當中有周汶錡、丁子高、羅霖同谷祖琳等去賀佢,佢哋仲搞咗個babyblue主題,大家齊齊藍色造型示人。Dorian笑言難得約齊20幾個朋友開party,之後仲去唱K,要食一蘭拉麵,玩得盡興。

問到Dorian生日願望,佢直言要身體健康:「健康好緊要,我半年前成日頭痛,睇咗醫生先知係焦慮症,起初都唔相信唔肯食藥,但係做嘢就頭痛,痛到返唔到工,放假就無嘢,完全同工作壓力有關,0依家我終於低頭肯食藥。」

Dorian自言開竅要感激谷祖琳:「因為佢屋企人有過depression呢個病歷,佢同我傾偈開解我,又轉介心理醫生畀我,我有需要先會睇,當初自己都想同人講,係佢勸我要睇醫生同食藥。」Dorian透露之前已有幫小谷搞嘅思覺失調協會搞活動,嚟緊佢哋兩個仲會幫青山醫院成立博物館。