當年今日
關於我們

【辛丹斯電影節】導演Boots驚訝 操國語人士自稱講正統中文

蘋果日報 2018/09/28 16:00

艾米漢默泰莎湯遜辛丹斯電影節扮工室上位攻略Boots Riley

一年一度嘅辛丹斯電影節現正於香港舉行,電影《扮工室上位攻略》(Sorry To Bother You)被選為開幕電影,導演Boots Riley早前更親臨香港見觀眾及接受專訪。電影大講黑人同白人間嘅矛盾,估唔到導演同樣對中港矛盾好了解,仲分享遇到一位操普通話人士嘅「獨特」見解:「有一次我去三藩市,有一個20歲出頭、來自中國嘅人,我問佢:『你識唔識講廣東話?』佢竟然話:『我係講正統中文嘅。』」令導演相當驚訝,所謂正統唔正統,真係你講就係咩?
另外Boots亦好高興首次嚟到香港見大家:「一直都好想嚟香港,見到觀眾嘅反應真係好有趣,一定要親身見下先感受到,由佢哋嘅問題所知,大家都睇得好投入,因此我好感激。」電影都講到唔少黑人同白人間嘅衝突:「喺美國仲係有歧視,未必好明顯,但從人嘅反應就知道。例如(如戲中)係銷售員而又係黑人嘅話,你都會想掩飾自己係個黑人,呢個亦係套戲有『白人腔』情節嘅原因。」套戲有唔少著名演員演出,包括憑《訪‧嚇》(Get Out)上位嘅Lakeith Stanfield、《雷神3》「女武神Valkyrie」泰莎湯遜(Tessa Thompson),及《以你的名字呼喚我》(Call Me By Your Name)男星艾米漢默(Armie Hammer),Boots仲大讚艾米漢默做奸角都做得可愛過人:「我同佢於skype傾過計,佢有好多想法,令我覺得佢對個角色真係有深思熟慮。佢真係好討喜,會令個個都好鍾意佢。」
精選娛聞,喺晒《娛果》
http://fb.com/appledailyent
empty
《扮工室上位攻略》導演Boots親臨香港見觀眾及接受專訪。
empty
佢好驚訝點解操國語人士會自稱講正統中文。
empty
電影都講到唔少黑人同白人間嘅衝突。
empty
《雷神3》「女武神Valkyrie」泰莎湯遜係女主角。
empty
Boots仲大讚艾米漢默做奸角都做得可愛過人。