薛凱琪噚日接受商台訪問，佢話最近為咗7月紅館個唱，日日都要排舞，不過好開心，事關個唱會加開一場：「喺微博見到fans話喺網上買唔到飛，真係冇諗過去得咁快。」薛凱琪又好多謝媽咪煲靚湯畀佢：「媽咪見到我個樣好攰，所以日日都煲愛心湯水畀我飲。」問到會唔會請房祖名同方大同睇騷，薛凱琪話一早預咗飛畀佢哋。