日本女星北川景子噚日為新片《泡吧偵探3》於開畫日造勢，偕松田龍平、大泉洋、前田敦子、鈴木砂羽、志尊淳等拍檔現身戲院謝票，對於北川景子早前被指與前田敦子鬧不和，兩位女星在台上被安排隔住松田龍平及大泉洋，唔知係咪為咗粉碎傳聞，前田敦子於活動後公開同北川景子嘅合照，仲留言大讚對方洋溢住美麗及溫柔，擦鞋成份極高。

其實在《泡吧偵探3》拍攝時，擔任女配角嘅前田敦子同女主角北川景子於片中充滿火藥味，有報道指前田敦子不滿自己排名係北川景子之下，認為自己係AKB48以前一姐，電影演出經驗都不比北川景子少，自認同北川景子係同級女星，繼而爆出不和報道。

更多娛聞，喺晒《娛果》
http://fb.com/appledailyent