韓國「國民MC」劉在錫主持嘅綜藝節目《無限挑戰》近日評選緊新主持，當中男星張東民係其中一名候選人，不過近日佢就被網民翻舊賬，指出佢曾公開侮辱女性而且語言性暴力。

近日，多個韓網流傳去年張東民演出電台節目《和Ongdalsem一起做夢的電台》時嘅錄音內容，張東民於錄音中一度貶低女性，說出「狗一樣的X」等髒話，又話：「女人太笨啦，所以腦子鬥不過男人。」、「不能忍受唔係處女嘅女人。」等貶低擁有性經驗嘅女性嘅言論，甚至對自己嘅服裝師都口出狂言。

噚日，張東民再次為自己過去嘅言論道歉：「去年該事件引起爭議時已經道歉啦，於評選《無限挑戰》第六名成員之際，冇諗到過去嘅言論再次浮出水面。失誤就係失誤，想向感到不快嘅人再次道歉。」