【邪惡政權】阮民安撐印裔Jeffrey參選立法會︰佢哋更愛香港
蘋果日報 2020/06/26 18:45
阮民安立法會選舉Jeffrey Andrews
阮民安（Tommy）今日到尖沙嘴重慶大廈支持印裔港人Jeffrey Andrews（安德里）宣佈參與立法會選舉，並即場獻唱Beyond經典金曲《光輝歲月》。Tommy指香港人對Jeffrey最深印象是10月時，對方在重慶大廈派水支持港人：「嗰刻係一個大型嘅we connect，對我嚟講，呢個connect係一世，佢哋雖然係少數族裔，但係佢哋都係香港人，甚至比香港人更愛香港。」
Tommy指Jeffrey曾支持他年頭舉行的演唱會，這次換他到場為Jeffrey打氣：「上次佢上台同我唱《海闊天空》，所以今次我就唱《光輝歲月》，同埋我好respect佢哋對我哋嘅支持，令香港人對重慶大廈嘅睇法，有好大嘅改變。」
外界對9月立法會選舉非常重視，泛民更提倡要贏得35+議席，重奪議會主權，Tommy說：「35+好重要，當然好多人有好多意見，係咪真係最緊要個選舉結果？但係我覺得國安法會點？美國制裁會點？唔知個抗爭會去到幾時，所以我覺得每個戰線都要攞咗先，每樣嘢都要有，先可以面對呢個咁邪惡嘅政權。我哋要多啲戰線，越多越好，最緊要人多，啲人幾時轉黃唔緊要，如果有其他民主派嘅人需要我，我都準備好幫忙。」Tommy直言港版國安法，可能會引致瘋狂DQ參選人甚至議席，亦預計到會有不公平情況，他說：「黃絲陣營嘅人好聰明，好似今次參與初選嘅人，我知道佢哋有協調，亦有好多新力軍，希望佢哋到時可以帶嚟啲新景象。」
對於港版國安法的說明細則，Tommy直指公佈說明是好事：「快啲嚟，因為影響唔止黃絲㗎，你以為港豬、藍絲、官員、差佬唔會受影響咩？唔好傾咁耐啦，成個香港等緊你，唔好搓波啦，射啦，香港人準備好啦。」
Tommy支持印裔港人Jeffrey Andrews宣佈參與立法會選舉。
他還即場獻唱為對方打氣。
阮民安認為港版國安法，黃絲同藍絲同樣受影響。