買餸不再是阿媽的專利!「買餸app」honestbee代購員如同一般人走入超市,在貨架上揀貨。25歲的代購員Ken於honestbee工作一年,由兼職做到全職,時薪最高60元。對於份工是否好做,他笑言「睇你想要啲咩,一定比文職有樂趣」,而且「做完大力咗」。
Ken指,入職後公司會提供1至2日培訓,教代購員如何揀選貨品,尤其鮮貨如水果、蔬菜、肉類,做落才發現牛奶都有好多種。「客人可以remark(註明),水果會唔會太熟,用客人的心態去揀一啲新鮮嘅嘢。」每日完成3至4張訂單。
兼職代購員時薪最高60元,一日工作5至10小時;全職則一星期返5日、每日10小時。他透露,全職代購員薪金,大約等於以60元時薪計算再多少少,換言之至少有12,000元,亦有醫療保險、強積金等基本福利。
代購員每日於固定超市等候訂單,他表示最正是「嘆住冷氣等」,不過也有難處。「最棘手係外國超市,入面有啲貨品可能係你一世人都唔會試到、唔會食到,但係我地有好多客都會落單,驚攞錯或者攞得比較慢。」不過,熟能生巧,他指執貨多了,「就算有貨品未接觸過,都可以搵返出嚟」。