當年今日
關於我們

【小米拉】用囡囡洗衣劑洗汗巾伊能靜爆老公要帶B女陣味返北京

蘋果日報 2016/07/28 06:00

美國蘋果北京台北香港伊能靜坐月庾澄慶保母即時秦昊清洗傷口

伊能靜上個月以47歲高齡喺美國幫老公秦昊,生咗個囡囡「小米粒」,o依家佢仲喺美國坐緊月嘅佢,噚日就喺微博自爆剖腹嘅傷口受到感染,o依家每日要清洗傷口03,做媽媽真係好偉大呀!

今日伊能靜就再喺微博度放閃,貼咗好多「小米拉」嘅newborn相,見到小米拉表情多多,真係勁可愛呀!呢個Post,亮點除咗係小米拉嘅NewBorn相之外,仲有就係伊能靜仲寫咗一篇好感人嘅故事。伊能靜話,為咗老公秦昊,就算o依家傷口受感染,要每日清洗傷唔覺得受苦,反而覺得自己非常幸運。

「那天妳(小米拉)爸爸抱着妳一直在妳身上蹭來蹭去,下午我在屋裏餵妳時,聽見屋外他跟保母說,能不能幫我把這個洗一下。保母後來告訴我,米粒爸爸說要用米粒的洗衣劑洗那塊新買的布,我看見是妳爸爸前天買來的運動吸汗巾,掛在脖子上可以擦汗。保母笑著說,爸爸說,他要帶着米粒的味道回北京。」

初為人父嘅秦昊,將要返北京工作,暫時要同伊能靜兩母女分離。為咗能夠嗅到女兒的氣味,佢係離開前就叫保母用專用來清潔小米拉嘅洗衣液,來清洗他用的運動吸汗巾,咁樣佢返到北京就可以聞到女兒嘅氣味,就好似女兒伴着他一樣,真係好有愛呀!

除咗秦昊,伊能靜仲講到佢同前夫庾澄慶所生嘅大仔,離開美國返台北時,出門後突然折返,當時佢以為囝囝漏帶東西,點知佢係走到小米拉床邊,同妹妹講:「你不要忘了我!」畫面好洋蒽呀!