【新增內容】

「星女郎」張雨綺上星期四（27號）透露經理人發聲明，表示與丈夫袁巴元已協議離婚，宣佈兩年婚姻結束。（新聞連結： https://bit.ly/2OUiSPg ）

喺離婚聲明發出前，微博一直盛傳兩人發生衝突，袁巴元甚至被利器劃傷，造成兩處1cm傷口，雖然報咗警，但最後冇搵到兇器，只列作家庭糾紛處理。張雨綺發出離婚聲明翌日繼續開工錄節目，神采奕奕一啲都冇受家庭問題困擾。而張雨綺工作室於復工日亦再發聲明，指離婚係兩人商議結果，雙方都有責任，而網上流傳嘅離婚原因，都係「惡意抹黑的不實內容」。（新聞連結： http://bit.ly/2RckIwA ）

今日有大陸傳媒報道指，原來喺28日，即張雨綺復工當日，袁巴元獨自一人去到派出所，離開時滿面笑容，同職員有說有笑，唔似有受到婚姻問題打擊。大陸另有傳媒今日到過兩人之前所住的上海思南公館，搵到張雨綺嘅鄰居，呢位鄰居聲稱，發生糾紛當日，佢聽到叫救命嘅係張雨綺，之後由保安報警。鄰居又話，未見過夫妻兩人同時出現，更指張雨綺喺美國待產時，懷疑袁巴元已經有三者。