內地放寬QFII申請額度，點樣會益到港股？事關錢又唔係掟落港股市場，不過，諗深一層，放寬外圍資金流入大陸股市買貨，無疑係托市手段之一種，如果內地A股持續造好，其實對港股亦有利，因為家陣港股表現跟A股走，港股起碼少一層隱憂。
內地科網股近日都有好表現，其中騰訊（700）越升越有，股價好似放紙鳶一樣越飄越高，昨勁升5.70元，收報128元；另一隻阿里巴巴（1688）亦升破52周高位，收報21.90元。不過，網龍（777）因業績倒退，近期股價跌過一輪，但跌近100日線水平似搵到支持，昨反彈2.8%，收5.87元。