愛華頓喺幾日前先喺一日內豪花5,000萬鎊收購新兵，咁快又要使大錢？仲要係用破球會轉會費紀錄4,000萬鎊（約4億港元）買人。

愛華頓領隊朗奴高文日前先後收購門將比克福特同中場卡拉臣，佢下一目標係效力史雲斯嘅冰島進攻中場基菲爾施古臣。不過要買到心頭好，高文就要加碼嘞。愛華頓喺一年前曾經以2,500萬鎊轉會費條件，向史雲斯斟施古臣，呢位冰島國腳係史雲斯上季成功護級嘅主要功臣，想買走佢，球會希望收得4,000萬鎊轉會費，換言之愛華頓要破自己球會轉會費紀錄，先可以成功收購到呢個目標。