韓國藝人經常傳出發生車禍嘅消息，今日韓國新人男團Snuper就傳出噚日喺完成演出之後遇上輕微交通意外，好在冇人受傷。

據Snuper嘅所屬公司指，Snuper噚日完成喺仁川某高中嘅演出返回首爾宿舍之際，喺位於汝矣交流道奧林匹克路上更換道路時前面嘅車因為要閃避工程車而駛慢咗，但Snuper所坐嘅車就唔小心同前面嘅車發生碰撞，撞壞咗架車嘅前保險杆。

而車禍發生之後，成員們可能受驚過度而感到輕微不適，醫院接受檢查後冇大礙。而Snuper方面就表示：「因為今天發生嘅交通意外令各位粉絲擔心好對唔住，以後我哋會更謹慎。」