【獨家】超雲單拖巡勻街市 睇中平價日本大梨

蘋果日報 2017/09/21 00:01

何超雲街市買餸
    賭王三房千金何超雲近年生活變得非常「宅」，見佢喺Ig不時陶醉喺屋企做貓奴或者煮嘢食，o依家行街市多過行名店，間唔中被傳媒影到佢去行濕轆轆街市買食材。
    今年1月超雲去灣仔街市買餸，同班一齊師奶嬸嬸逼街市，買魚、買菜同生果。（新聞連結： http://bit.ly/2nIqrhQ ）
    唔好以為超雲心血來潮先去一次街市，因為佢又被目擊到返去呢個地膽街市買嘢，日前晏晝4點幾，《蘋果》讀者陳小姐就透過《蘋果》爆相爆片，目睹超雲又喺灣仔街市出沒。
    當時超雲身穿灰色tee襯短牛同波鞋，陳小姐話：「當時呢個時候街市都幾多人，見到佢企喺生果舖度一陣，喺度撥瀏海先發現佢，佢一個人冇工人冇司機，見佢行咗一個圈，先決定幫襯呢間生果舖。」精挑細選揀好一檔，咁超雲買咗咩呢？陳小姐話超雲唔係買貴價生果，而係買咗$50四個嘅日本大梨。
    唔計呢兩次街市買餸，超雲其實都試過喺跑馬地一間小型家品雜貨店買幾十蚊細膠樽，亦都試過買幾百蚊兩張浴室地毯，證明佢都好識得慳住使錢。
    empty
    empty
    超雲日前喺灣仔街市買水果，讀者話佢行咗個圈先返嚟買。（讀者提供圖片）
    empty
    短褲Look唔怕污糟。（讀者提供圖片）
    empty
    （讀者提供圖片）
    empty
    超雲1月時都係去灣仔街市買餸。（資料圖片）
    empty
    同師奶們逼街市。（資料圖片）
    empty
    又去魚檔買魚。（資料圖片）
    empty
    早幾年就去家品雜貨店買膠樽仔。（資料圖片）