韓國女團EXID將於16日來港，出席於17日喺九展Star Hall舉行嘅粉絲見面會，而Hani來港前亦頻頻更新Instagram公開近況，前日就公開素顏跟爸爸及細佬嘅合照。

Hani於Ig大方晒素顏照，而且仲跟爸爸及細佬親密自拍，當中三人都係鵝蛋臉而且都擁有高挺嘅鼻樑，一睇就知係一家人，而Hani亦留言表示：「爸爸與爸爸鯛魚燒1、爸爸鯛魚燒2。」而鯛魚燒於韓文有「跟父親相似」之意，網民就留言「五官太似」、「兩姊弟都好好睇」等。