當年今日
關於我們

【短片】【周凱旋甜到漏】「識咗超人 就知自己做唔到大俠」

蘋果日報 2014/10/09 06:00

李嘉誠周凱旋

李嘉誠基金會今日在上海舉行「科技夾子」發佈會,作為超人嘅「紅顏知己」,維港投資創辦人周凱旋當然有發表演辭。佢就提到自己一直好鍾意「唐吉訶德」呢個故事,一個瘋狂俠客,騎著他又瘦又老的馬-到處行俠仗義。

點解呢?佢就話因為自己都好想令世界明天會更好。不過,佢之後又講到,「認識李先生後,我突然發覺,自己不是大俠的料子,我沒有他那份忘我的熱情-自己能當好隨從『桑丘』已經很不錯。」講真,呢句完全感受到,周凱旋有幾崇拜超人。

然後佢就話,超人認為「唐吉訶德」唔單止唔係傻佬,反而係一個面對誘惑有堅持、對有困難的人謙和樂施、品格高尚嘅人。

不過現實世界真係太複雜,「風車」與「惡龍」真面目的確好難分,呢個先係令唐吉訶德發瘋嘅原因。所以,超人覺得,看清楚問題本質先係成功的關鍵。

對於主角死前如大夢初醒,覺得做英雄嘅代價太殘酷,過往的努力係枉廢。周凱旋就話,超人對此不以為然,更相信有更多有夢想,有能力的唐吉訶德和桑丘,就算「風車」還在,再也不是「摘取不到星星」的障礙。