皇家馬德里對巴塞隆拿，一向被譽為西班牙國家打吡，而且開波時間以往都遷就西班牙當地人作息時間，往往喺當地時間晚上，即係香港深夜時份舉行。不過西甲主席特瓦斯宣佈，為咗開闢亞洲市場，今季西甲首循環國家打吡，由皇家馬德里主場對巴塞隆拿，亦都有特別安排，訂咗12月23號西班牙時間下午1點開波，即係香港時間晚上8點，香港球迷終於唔使捱更抵夜，就睇到C朗大戰美斯！