黑哨曾獨裁剪布，剝奪議員發言權，令立法會變成香港人民大會堂，難怪社民連長毛噚日出席《城市論壇》試咪時，都用「曾鈺成係共產黨」嘅句嚟testing，惹來全場爆笑。
查實黑哨曾咁過份，想聲討佢，不妨搵盧海鵬試咪。鍾意睇波嘅長毛噚日話，曾鈺成可以定球例，但唔可以吹黑哨、判埋場波邊隊贏，就好似「足總唔可以落場話車路士贏」。
車仔噚日奪得歐聯冠軍，長毛肯定睇埋通宵波，先至嚟《城市論壇》，皆因佢雙目無神兼精神恍惚，但當佢喺論壇上力數保皇黨惡行，就即時回魂，相當清醒。