【情趣馬賽克之幫得就幫】馬賽流出艷舞片後，即返家鄉避世，潛水20日於上周四復工搵銀。馬賽在活動上聲淚俱下表示對不起家人，還要向一班被懷疑收過馬賽曖昧短訊的前輩致歉。現年64歲、曾與馬賽傳出緋聞的劉松仁是當中的頭號嫌疑人物，松哥昨晨與方力申、汪明荃等現身機場出發到台灣，劉松仁早前已否認收過曖昧短訊，但仍很關心馬賽，並爆日前才與馬賽見面：「前幾日約埋馬國明、王浩信同馬賽一齊食飯，見佢心情都唔錯，但難免有啲低落，需要啲時間。」
對於馬賽在活動上向他等受牽連的前輩致歉，松哥力撐說：「復出就好啦，我哋頭先讚佢，好似基督背住十字架走入苦難，喺苦難裏面會有得着，當然都要睇佢自己點樣，勇敢面對呢個勇氣都唔少，值得珍惜，我鼓勵佢。」

「邊個唔會犯錯」

被愛情拖累事業，馬賽日前透露大半年來都是靠家人接濟過活，但松哥無意中踢爆馬賽昨日赴英國散心，他說：「佢今日（即昨日）都飛英國。其實年輕人係需要鼓勵，邊個唔會犯錯，我哋都會，最重要係正面面對事件，人與人之間需要多啲關懷，尤其𠵱家呢個世界，今日唔知聽日事，幫得就幫。」據悉馬賽是乘昨晚夜機離開，她昨日在電話中說：「唔會講邊班機，想有啲空間。」
另外，揚言要在兩周內減掉至少11磅的方力申，昨日在微博宣佈任務失敗，體重仍維持在157磅，他說會繼續做運動同節制飲食，但同時間又問粉絲到台灣應否喝啤酒和吃炸雞，他在機場受訪時說：「之前都係食水煮菜，𠵱家放棄咗，因為台灣太多美食。」
撰文：嵐山