灣仔鵝頸橋市政大樓街市本年七月進行消防及冷氣系統等改善工程，為免影響街市檔戶正常運作，部份工程安排在晚上進行。附近居民投訴於工程期間，晚上被鑿打石屎的噪音滋擾，多次報警求助均無改善，轉向《蘋果》求助，經本報跟進後情況已有所改善；但工程至明年中始完成，居民擔心會故態復萌。

「半夜三更先嚟鑿嘢，搞到我哋冇覺好瞓，好彩得你哋《蘋果》跟進先有改善，但個工程要出年先完，我哋都擔心遲啲又係咁！」曾被「夜半噪音」折騰兩個月的王先生向記者大吐苦水。
居於街市附近的王先生無奈道，近兩月常於晚上聽到刺耳的撞擊聲，聽起來像鑿打石屎聲音，令人煩厭，噪音常於晚上十時後出現，且持續一個多小時，擾人入睡，他曾多次報警求助，但無效。

警員離場　噪音再現
「差人處理完離場冇幾耐，啲鑿打石屎嘅聲又出現，次次都係咁！點解呢啲咁擾民嘅工序，唔留番喺日間做？唔通事前冇預算？」
他說，經《蘋果》跟進後，問題似有所改善。「始終個工程重有成大半年先完工，都擔心噪音滋擾又會發生；希望佢哋可以保持住好似𠵱家咁啦！」
食物環境衞生署發言人表示，建築署現正為食環署轄下的灣仔鵝頸橋街市進行改善工程，包括提升消防裝置、改善通道設施，以及在熟食中心安裝冷氣系統。為免影響街市檔戶日常運作，部份工程安排在晚上進行，工程施工日期由本年七月開始，預計明年中完成。