由韓國男星玄彬孖朴信惠主演嘅tvN劇集《阿爾罕布拉宮的回憶》，噚晚播出第6集，收視升至7.863%。

之前劇情講到玄彬已死去嘅對手朴勳，變成遊戲角色，而且一路追殺玄彬，玄彬更因而受傷入院。噚晚一集講到玄彬於遊戲中殺死朴勳，成功贏得遊戲。不過玄彬已經陷入恐怖嘅幻覺中，即使朴勳唔會再嚟搵佢，不過玄彬仍不時「見到」被追殺嘅情景，因此佢為逃離遊戲而決定離開西班牙格拉納達。

朴信惠知道玄彬要離開後，即跑到火車站送別，不過火車已經開走，朴信惠望住火車離開後蹲喺地上痛哭。而回到首爾後，玄彬開始掛住朴信惠。於下集預告中，就似乎暗示朴信惠跟玄彬將於韓國再次見面。

更多韓流，喺晒《娛果》
http://fb.com/appledailyent