韓國男神金秀賢與同公司嘅韓片《屍殺列車》女星昭熙緋聞傳了多年，兩人嘅緋聞早於前年已經傳出，當時事務所已否認其事，今年2月仲突然傳出佢哋會於4月結婚，但當然又唔係事實。

而傳咗咁耐緋聞，兩人都冇避忌，今日仲齊齊現身前輩李秉憲主演嘅新片《南漢山城》嘅試映會，金秀賢已有成兩個月冇蒲頭，今年6月尾佢先忙於為新片《Real》宣傳，忙完宣傳後佢就處於休息狀態，今日佢就畀面撐李秉憲場，仲同緋聞女友昭熙同場，不過佢哋就前後腳現身見傳媒，唔知事前知唔知對方喺度呢？

同場睇試映會仲有高素榮、金莎朗等人，李秉憲嘅太太李敏貞當然亦有捧場。