當年今日
關於我們

霆鋒獲最具魅力男演員 自嘲冇嘢做幫手湊仔

蘋果日報 2013/03/03 06:00

謝霆鋒

由香港電影十大屬會合組而成嘅香港電影工作者總會,今晚喺九展舉行二十週年春茗,現場將頒發獎項予歌影視等唔同組別嘅傑出表現藝人。獲頒「2012年度專業眼中最具魅力男演員獎」嘅謝霆鋒話﹕「可能係攝影師同導演眼中有呢樣嘢。」

有指霆鋒有意同房祖名聯手炒舖,被指買咗成條擺花街,佢急著否認話﹕「講笑之嘛,唔好咁講,唔係我買蛋撻都俾人鬧,做人要安份守己。」對於前妻張栢芝成票房毒藥,被迫要返大陸做騷跳舞,霆鋒表示﹕「我就冇嘢做,佢大把嘢做,我要幫手睇仔。」佢表示o依家係單身,問到佢係咪無心拍拖?佢就話﹕「如果話冇就真係唔會有,所以我講幾時都要有(心)。」