等待，小朋友邊到識㗎！今次六位小廚師就要等15分鐘，等待叮一聲，撻皮焗好的重要時刻。睇爐，返埋位；唔放心，再睇爐，「囉囉攣」就係咁解！

步驟一：將整撻皮嘅所有材料混合好，做成麵糰，再以180度焗15分鐘。
材料：淡牛油30克、糖霜15克、低筋粉45克、高筋粉15克、雞蛋液15克

「𠵱家啲人好忙，連細路仔都好忙！」為咗方便鍾意整餅但無時間學嘅你，CakenJoy的Esther歡迎大家打電話嚟預約包堂，一家人約埋親戚或者同學仔，齊齊跟整餅高手Andrew哥哥學整靚餅。查詢請致電21678081或者瀏覽網址www.cakenjoy.com.hk，網上有好多靚相睇㖭！

材料甜忌廉，看似軟綿綿，原來打起來需要無窮的力量。

步驟二：將所有整吉士餡嘅材料混合好，用唧袋擠入撻殼裏。
材料：即溶吉士粉80克、鮮奶240克、甜忌廉（打起）50克

六隻「貪心鬼」把撻皮當作生果盤，撻皮上的奇異果、士多啤梨、藍莓、桃、菠蘿叠到好高好高，一邊掃一邊跌生果，放落口唔好嘥，唔，真的好味道！

步驟三：等咗好耐嘅砌生果時間，最後記住要掃上透明啫喱或者撒上糖霜。