【BB又發功】吳千語說服林峯 退出娛圈同細佬爭百億身家
蘋果日報 2014/02/05 06:00
今日有報道話林峯想全面退出娛圈，又係千語BB嘅主意。- 林峯細佬林逸洺，成日喺微博Po同堂家姐林夏薇嘅相。
- 畢業禮林夏薇同林峯都有到。
- 林峯拍戲，林逸洺都有去探班，感情睇嚟幾好。
- 林逸洺喺微博放老竇張相，話兩個人食烤鴨好飽。
- 因為大哥關係，林逸洺經常可以出席一啲名人活動，識到唔少圈中人。
- 林父去捧林峯演唱會場。
- 林峯自從同千語BB拍拖之後，好多新聞都係話佢喺BB身上使唔少錢。
- 千語BB究竟有咩魅力可以令峯峯神魂顛倒呢?
- 林峯同千語一齊比人影到，得2件事，Shopping同旅行。
有關吳千語嘅新聞，都離唔開佢男友林峯，以及佢揈男友錢嘅傳聞。
林峯同千語BB拍拖以來，比人影到唔係陪BB去Shopping就係陪去旅行，今個新年都唔例外，今日有報道話林峯冇同家人團年，反而同BB去咗北海道滑雪，得嗰短短4日假，都全數奉獻俾BB，出發前年廿九當日，仲好細心咁同女友去睇羽絨，買足兩大袋，最後當然係林峯找數啦。
之前已經有指林峯父親「廈門李嘉誠」林華國想林峯退出娛樂圈，打理家族生意，點知峯峯都係放唔低花花世界，不過中咗「BB降」嘅林峯，經常被指花費不菲喺BB身上，其實林父一直看在眼裡，想阻又阻唔到，令林峯同家人關係再冇之前咁好。
大仔唔聽話，林父唯有將希望放喺細仔林逸洺身上，林逸洺舊年喺美國南加州大學商科畢業，一心一意返廈門幫老竇打理盤生意，有指佢好有生意頭腦，喺公司入面上位好快，而林峯因為掛住拍拖，喺屋企地位大不如前。
一心入豪門嘅千語BB，眼見男友地位喺屋企受動搖，直接影響佢將來嘅生活，於是又勸林峯退出娛樂圈，專心打理家族百億生意，就算去年中林峯已經同黃柏高密斟過檔太陽城，仲傾得七七八八，但去年十月林峯就突然煞停合作，仲話慎重考慮係咪繼續喺娛樂圈發展，真係乜都聽晒BB支笛，睇嚟吳千語「林太」地位已經牢不可破。
林峯同千語BB拍拖以來，比人影到唔係陪BB去Shopping就係陪去旅行，今個新年都唔例外，今日有報道話林峯冇同家人團年，反而同BB去咗北海道滑雪，得嗰短短4日假，都全數奉獻俾BB，出發前年廿九當日，仲好細心咁同女友去睇羽絨，買足兩大袋，最後當然係林峯找數啦。
之前已經有指林峯父親「廈門李嘉誠」林華國想林峯退出娛樂圈，打理家族生意，點知峯峯都係放唔低花花世界，不過中咗「BB降」嘅林峯，經常被指花費不菲喺BB身上，其實林父一直看在眼裡，想阻又阻唔到，令林峯同家人關係再冇之前咁好。
大仔唔聽話，林父唯有將希望放喺細仔林逸洺身上，林逸洺舊年喺美國南加州大學商科畢業，一心一意返廈門幫老竇打理盤生意，有指佢好有生意頭腦，喺公司入面上位好快，而林峯因為掛住拍拖，喺屋企地位大不如前。
一心入豪門嘅千語BB，眼見男友地位喺屋企受動搖，直接影響佢將來嘅生活，於是又勸林峯退出娛樂圈，專心打理家族百億生意，就算去年中林峯已經同黃柏高密斟過檔太陽城，仲傾得七七八八，但去年十月林峯就突然煞停合作，仲話慎重考慮係咪繼續喺娛樂圈發展，真係乜都聽晒BB支笛，睇嚟吳千語「林太」地位已經牢不可破。