最近有啲港島區居民,或者都收過人民力量立法會選舉港島團隊袁彌明派發嘅單張,其中有段文字睇落有啲「銀眼」:「2010年我不忿傳統泛民主派:包括民主黨、民協和公民黨立法會議員走入中聯辦與中共談判,倒戈支持假政改方案」。
咦,2010年政改期間,公民黨冇入西環談判,相反係同社民連搞「五區總辭變相公投」㗎喎,點解單張會咁寫?最靚政黨主席袁彌明喺Facebook解釋,話呢款「校對錯誤」嘅單張會即時停止派發,新單張會喺「公民黨立法會議員」之後加返「湯家驊」,特別就此向公民黨同公眾致歉。
八方問過當年有份總辭嘅公民黨港島參選人陳淑莊,佢話既然人力澄清咗、又唔再派,就冇事啦,選舉最緊要勻勻真真。