肺炎疫情肆虐,各行各業都受到衝擊,今日特首林鄭月娥宣佈,關閉公眾娛樂場所,包括戲院。對於政府推出最新防疫措施,明晚6點後關閉所有戲院最少14天,而高先電影公司將於4月份有三部電影上映,包括《男人之苦─寅次郎返嚟啦!》、《叔‧叔》和《柏林我愛你》,其負責人曾麗芬(Winnie)今日接受《蘋果》訪問時表示︰「非常贊成戲院關閉,因為而家票房好低,員工要照常返工,對觀眾同員工都好危險。至於我排咗嘅片,等開番重新排過安排上映,冇乜問題。希望政府體諒大家,僱主同員工都有補貼。」原定於4月2日上映電影《男人之苦-寅次郎返嚟啦!》將會延期。