李鍾碩、朴海鎮主演嘅新劇《Doctor異鄉人》今晚就播出第三集，今日劇組方面就公開咗新一批劇照，當中喺劇中飾演情侶嘅朴海鎮同姜素拉，仲上演一場kiss戲。

呢場車中之吻都幾sweet，做醫生嘅朴海鎮，揸住架紅色開篷跑車接姜素拉，之後就見朴海鎮先輕撫姜素拉嘅臉，跟住佢哋就埋牙咀嘴，據講佢哋兩個都係第一次拍kiss戲，不過就出奇地好專業呢，仲拍得好投入添。