日本女子組合乃木坂46近年人氣急升，獲得唔少男粉絲支持，趁住新年有幾日休息，原來西野七瀨早幾日同隊友伊藤純奈、川後陽菜、齊藤優里、伊藤卡琳曾經秘密來港度假。

成員噚日先開始po出香港行相，似乎佢哋嘅假期已經完結，返回日本繼續工作。乃木坂幾位成員此行去咗尖沙咀、中環同旺角逛，又相當識食，去咗食蛋撻、火鍋同飲茶，同去埋山頂睇夜景，今次佢哋幾個仲去咗迪士尼樂園玩，難得伊藤卡琳話好鍾意香港嘅迪士尼，等佢可以近距離接觸《魔雪奇緣》（Frozen）嘅Anna喎。