當年今日
關於我們

隔牆有耳:
陳克勤領養瀕危星龜 - 李八方

蘋果日報 2015/01/30 00:00


原來香港喺去年底,有逾七百隻印度星龜(屬《瀕危野生動植物種國際貿易公約》附錄II(CITES II))。因為非法貿易被充公,送往嘉道理農場。由於被充公嘅星龜數量太多,嘉道理農場唔可以全數收容,所以揀咗一啲較健康嘅星龜,經漁農自然護理署交畀香港兩棲及爬蟲協會作領養用途,減少星龜被迫人道毀滅嘅數目,救回龜命。
民建聯陳克勤噚日請咗香港兩棲及爬蟲協會到立法會,為議員同有意領養人士舉辦星龜護理班。星龜唔係想領養就可以領養,必須經過評估,至今有幾十隻星龜獲安排領養,陳克勤呼籲有意領養者經過深思熟慮先決定,而佢同未來主席李慧琼同黨友Tree根,噚日上完護理班都申請領養。