張家輝同彭于晏主演嘅電影《激戰》，上映21日票房有3500萬，聽講導演林超賢想開續集，今日佢喺加拿大接受商台電話訪問，林超賢話：「開頭冇諗住拍續集，但依家咁好反應，我真係開始諗緊個故仔點走，希望最快可以出年年頭開拍。」

不過有人喺網上指電影劇本有抄襲成份，林超賢話：「套戲劇本唔係我一個人創作，仲有3個編劇一齊創作，每一步都有紀錄，可以拎出黎睇，佢哋付出咁多努力咁被侮辱，好upset，我戲就已經拍咗，對方都放咗佢個故仔上網，好多人評論，就由大家去睇，覺得似唔似。」