今季喺巴黎聖日耳門（PSG）腳風持續咁順嘅卡雲尼，只係爭四球就可以打破前隊友伊巴謙莫域所創嘅隊史入球紀錄，雖然佢都話好期待可以做到呢個創舉，但就話一切都係先以球隊利益為重。

卡雲尼今季已經喺各項賽事入到23球，而且喺PSG踢咗咁多年，家陣只係爭四球，就可以打破伊巴嘅156球隊史紀錄，亦將會係今季內遲早會發生嘅事，所以佢自己都唔急。

周二對拜仁慕尼黑嘅歐聯最後一輪分組賽前，卡雲尼咁回應：「呢個時刻將會來臨，對每位球員都係件特別嘅事，但老實講，所有巴黎人都知我係咩人，就係以團體利益為重，多過自己個人，會盡力替球會贏盡榮譽。」

卡雲尼咁講，唔知係咪想話之前尼馬同佢爭射12碼單嘢，其實係尼馬唔啱多啲呢？

----------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM