藍田居屋康柏苑通往廣田邨商場及巴士總站樓梯，經三次更換地磚後，居民認為，最近新鋪地磚，比舊地磚更滑，以致早前有居民因新地磚太濕滑跣倒，滑下十級樓梯受傷。

康柏苑金柏閣居民陳小姐投訴稱，由康柏苑來往廣田邨商場及巴士總站，最快捷途徑是橫過碧雲道地底的行人隧道，再上一條約五十級樓梯。
她稱，上月底樓梯進行更換地磚工程，其中半邊樓梯鋪好新地磚後，開放供居民上落；她早前落樓梯時，卻發生意外。

沿樓梯滑下十級受傷
「嗰晚十一點幾返屋企，行鋪咗新磚個邊嘅樓梯，重有十級就到底，但係突然跣一跣，沿樓梯滑咗十級到地下先停低，之後痛到根本起唔到身，要即刻叫救護車，去聯合醫院急症室求診，整傷咗尾龍骨，𠵱家過咗成個禮拜，重痛同要睇醫生，真係手尾長。」
陳小姐說：「條樓梯一向都滑，我已經好小心，點知都係跣低，我聽聞有幾個人都好似我咁跣倒，真係要改善吓。」
房屋署發言人回覆本報查詢表示，上址樓梯和行人隧道屬廣田邨範圍，房署在進行重鋪樓梯地磚工程前，已獲廣田邨屋宇管理諮詢委員會通過。
發言人稱，暫時未有上址地磚重鋪次數及原因的資料，可能「之前做得唔係太理想」，故有需要重鋪。