近期港股經常跑輸其他地方股市，但昨日卻相對硬淨，A股前日大升後，昨日回吐近1%，但港股唔理咁多，繼續反彈，最終保持陽燭收市。這兩日的反彈主要由地產股帶動，驟眼看來，市場似已逐步消化政府打壓樓市的壞消息，另外超人頻頻增持，亦加強投資者對地產股的信心，但佔大市相當比例的內銀股卻持續弱勢，幾隻權重的內銀股都逆市下跌，限制了大市的反彈，看來在明年貸款目標出台之前，加上加息陰霾下，內銀股暫時缺乏上升動力。
回看昨日大市，指數雖然上升，但個股就跟唔到，上升與下跌的股票數目也只是差不多，自己暫時都未敢太樂觀，不過圖表上做了短期支持，點都要尊重，所以亦將之前細注投機的淡倉減持三分一，只是筆者看今次反彈應未有力衝破期指本月高位23634，當升破23500時，更會考慮再沽。過往在牛市中，類似形態出現後，通常都會出現一隻或兩隻腳才見底，如屬前者，第一隻腳已出現，可能已見底；如屬後者，則尚有一跌方才見底，但無論前者後者，均顯示離底不遠，所以最佳撈貨時機，就是出現恐慌如裂口下跌之時。

商場之後到寫字樓

跌到這些水平，好股唔怕買，因為就算大市真係做第二隻腳，個股都未必做。臨近年尾，投資者應該多做功課，思考來年主題，須知2010年的主題並不等於2011年的主題，切忌見某幾隻股過去一年升勢強勁，便以為來年亦有亮麗表現。
本欄之前提及的一些現象已開始顯現，例如舖租將會受惠零售市道暢旺及通脹而上升，近日大市反彈但零售股卻見疲態，強如六福集團（590）都唔多夠力上升，而收租股就繼續強勢，希慎興業（014）昨天再創新高，暫時頗符合士佳之前所想，商場升完，相信便輪到寫字樓發力。當然，不少收租股都是大價股，要倍升唔係咁易，但我相信這類股份是穩中求勝的選擇。
張士佳
筆者及相關人士持有希慎
寶來證券（香港）董事　投資服務部
mailto:[email protected]