【英超小明】段速鏈贏暴龍棕熊 邊個跑咁快?
曼城暴龍利萊辛尼段速
相信好多球迷對快馬嘅認識,都係建基於加里夫巴利、禾確特呢啲球員,但佢地已經「過氣」,因為有個球員仲跑得快過暴龍,而嗰位人兄就係效力曼城嘅德國翼鋒利萊辛尼。
英國《太陽報》話,21歲辛尼喺周日作客車路士嘅比賽入面,曾跑出時速35.5公里嘅最高段速。至於經已絕種嘅暴龍,佢嘅最高段速亦只不過係時速33.8公里,甚至棕熊亦都只係時速34.9公里。即係話如果辛尼同棕熊、暴龍賽跑,話唔定可以爆嬴對手一段。
就咁睇可能誇張咗啲,但辛尼今季嘅表現絕對唔失禮,英超上陣7場已入3球,當中只有3場係正選,效率可以講係相當高。