現年39歲、出道20年嘅元祖男團水晶男孩成員殷志源，曾經有一段日子發福，由idol變成中年大叔，不過近日於粉絲公開嘅近照中，就發現殷志源減肥成功，而且換咗髮型，由大叔變返做idol，成功逆生長。

近日韓網好多人討論殷志源外貌嘅變化，對於佢逆生長一事非常好奇。照片中，殷志源減肥成功，五官變得更立體，加上剪咗有瀏海嘅黑色頭髮，就咁望一啲都唔似39歲。

據知殷志源為向粉絲展示更好嘅樣貌，靠「一日一餐」減肥，同時戒煙，而且開始固定去美容院，唔再戴帽，多咗打理自己嘅髮型，令自己望落更醒神。