今年21歲的中美混血兒JessicaC.，近排同葛民輝拍Canon廣告，一踢上位成為「Canon甜心」，人氣急升。JessicaC.仲係內衣品牌Wacoal嘅新廣告女郎，佢噚日就喺銅鑼灣Sogo幫Wacoal行內衣騷，吸引咗大批西裝龍友圍住影相。
樣子甜美、34C嘅JessicaC.喺商場被龍友包圍下，一樣神態自若，連換多套性感內衣行騷，絕冇尷尬忸怩，佢話覺得自己身材好，有自信可以showoff，佢用英文話：「第一次在香港行內衣騷，不過之前在新加坡行過，我好有自信，可以showoff自己身材，真係行得很舒服。」佢話自己平時都有搽cream，跑步仲會用運動型胸圍護胸。

進修演技

JessicaC.大方承認有男友，佢話：「我有拍拖，男友也是模特兒，所以不會不喜歡我行內衣騷，他很明白這是我工作的一部份。」JessicaC.喺日本做過一輪model，喺香港起步唔錯，下個月又有新廣告，佢反而話希望可以放吓假，家就上緊演藝堂進修。
JessicaC.喺香港只係同葛民輝合作過，佢噚日繼續對阿葛讚不絕口，大讚佢有趣同容易相處。