【特稿】
李澤楷（圖）旗下的電訊盈科02年向員工推創業承包計劃，共17個「龍頭」承接電盈外判工程，逾1,500名員工在裁員陰影下無奈過檔「內判」公司。10年過後，有電盈前員工指，當年承接電盈工程的公司近半已被淘汰，內判公司員工更多番遭減薪，最多減幅逾四成，他寄語屈臣氏蒸餾水員工「要諗清諗楚先好轉」。

不斷引入新競爭者

由香港電訊到電訊盈科，電盈過去十幾年多次大裁員。02年，電盈推創業承包計劃，邀請員工自組公司承接電盈工程。前員工指，當年參加計劃的員工多屬中層或以上職級，「當時如果唔做，會被公司裁走，惟有博一博」。他說，電盈在首兩年向這些內判公司提供不俗的合約條款，但之後電盈不斷引入新競爭者，續約條款一次比一次縮水，令內判公司「越嚟越冇肉食」。
當年跟隨過檔的電盈員工更悽慘，有員工轉職後由技術主任降至高級技術員，月薪由16,300元減至12,500元，之後幾乎每年都減薪，到去年減至只得9,000多元，減幅逾四成。有前員工指，「當年冇得揀先要轉啫，有得揀梗係留喺大公司好啦」。
《蘋果》記者