【等做奶奶】大仔已有未婚妻 陳美齡勁讚未來新抱
蘋果日報 2017/12/14 16:57
陳美齡聖誕媽媽
攝影：黃曉妍
陳美齡今日喺灣仔出席閱讀分享會，佢喺活動中化身聖誕媽媽，跟一班小學生講故事同派禮物。陳美齡活動後表示估唔到呢班小學生咁開心，而佢見到班小學生就諗起以前湊仔嘅事，佢仲指今次扮聖誕媽媽好期待：「第一次扮聖誕媽媽，籌備咗幾個月，買袍買鬚。」
講到聖誕節，陳美齡指佢哋3個仔以前好相信聖誕老人，夜晚會準備牛奶同餅乾畀聖誕鹿，佢笑住話：「其實咪又係我同老公送禮物，有次去旅行，我啲小朋友好擔心聖誕老人唔嚟酒店，我哋同酒店職員夾好收埋禮物，夜晚先走去拎禮物，0依家大個都會送番禮物畀我。」佢又指聖誕節會一家人煮聖誕大餐，3個仔識得煮嘢，女仔會加分，佢笑住話：「係呀，大仔已經有未婚妻，二仔拍緊拖，細仔就甩咗拖。」準備飲新抱茶，佢話：「冇所謂啦，最重要係愛我個仔，呢個女仔係ABC，我覺得個仔好嘢，喺美國好難搵到中國人，所以我畀好高分，佢好溫柔，又識國語，又識煮嘢食。」
更多娛聞，喺晒《娛果》
http://fb.com/appledailyent
http://fb.com/appledailyent
陳美齡今日喺灣仔出席「閱讀‧悅讀分享會」，佢喺活動中化身聖誕媽媽。
佢仲同一班小學生講故事同派禮物。