王馨平(Linda)今日去到商台為下月23日喺文化中心舉行嘅《國際電影音樂巡禮》音樂會宣傳，Linda話今次會同「樂樂國樂團」合作，佢話：「今次會唱唔同嘅電影主題曲，包括《別問我是誰》、《不要躲避我的眼睛》等，同中樂團合作，係難得機會，會好珍惜。」上次Linda喺《博愛歡樂傳萬家》中門大開，（新聞連結： http://bit.ly/2n0tikW ），呢次會唔會再有驚喜性感服飾呢？Linda話：「上次性感收到投訴，今次要收集吓意見先。」

Linda去年考得瑜伽導師牌，最近開班擔任導師，Linda話：「我嘅學生男女都有，有同胞亦有西人(外籍人士)，自己好享受做老師，我每次上堂都全情投入，好盡力所以落堂好肚餓，食量好似再度發育。」